بالصدفة بدأت المصرية أماني ربيع ممارسة رياضة القوة (باور ليفتينج)، التي تشمل رفع أثقال وأوزان مختلفة قبل نحو ثمانية أعوام، والآن وهي في الثانية والستين من عمرها تقول إنها فازت بأكثر من 90 ميدالية ذهبية في بطولات محلية ودولية.
ومن بين إنجازات أماني حصولها على عدة ميداليات ذهبية في بطولة أوليمبيا برو لرياضة القوة.
وقالت أماني إنها نالت 89 ميدالية ذهبية بالإضافة إلى ميداليتين ذهبيتين أخريين فازت بهما في بطولة محلية لرياضة القوة أقيمت في مدينة طنطا بمحافظة الغربية في الثامن من يونيو/ حزيران.
وتتذكر أماني أول يوم دخلت في صالة ألعاب رياضية وكيف أنها حاولت رفع أثقال ووقعت في حب هذه الرياضة. وبدأت في ذلك الوقت بوزن كيلوجرامين لكنها ترفع الآن ما يصل إلى 210 كيلوجرامات.
وقالت «بالنسبة إننا نلعب حاجة حديد، أنا طبعا فرقت معايا جداً جداً في الجسم، في الشكل، في القوة، فرقت معايا في الأعصاب، في هدوء الأعصاب، يعني ممكن أكون جامدة جداً لكن أعصابي هادية لأن خلاص أنا بقدر أعمل كل حاجة، فأنا دايما شايفة إن الست مفروض مفيش حاجة اسمها الزمن راح أو الزمن اتغير، مفيش حاجة اسمها مستحيل، اللي عايز يعمل حاجة بيعملها، اخرجي على الإطار اللي انت عايشة فيه، مفيش حاجة اسمها كبرت معملش حاجة».
وتأمل أماني في أن تستمر في تحطيم الأرقام القياسية وممارسة شغفها بالرياضة. وأضافت «دخلت بطولات جمهورية جبت دهب، دخلت بطولات عرب جبت 7 دهب، دخلت مستر أوليمبيا 3 مرات جبت 3 دهب و3 برونز، ورحت أورلاندو في أمريكا برضو كسرت رقم العالم كذا مرة وجبت 3 ميداليات دهب، كان في بطولة العالم برضو في شرم الشيخ والغردقة برضو جبت 3 دهب، كل مرة أرجع بـ3 دهب، السنة دي كسرت رقم العالم 8 مرات».
وتمارس الرياضية المصرية، وهي أم لرجلين وجدّة لثلاثة أطفال، مختلف الألعاب منذ صغرها.
وقال المدرب محمد سيد «مدام أماني ما شاء الله دلوقتي هي نمرة واحد على مستوى العالم، على مستوى التاريخ في عمرها فوق الستين سنة بالأرقام اللي هي بتعملها، يعني الحمد لله إحنا بنتطور سنة عن سنة ودي الظاهرة.. الحمد لله من سنة لسنة بنقدر نكسر أرقاماً ونعمل أرقاماً جديدة على مستوى عمرها فقط يعني مش عمرها الزمني بس لأ هي بتتحدى زي ما بقول كده الأعمار السنية الأصغر وبتعمل أرقاماً بتنافسهم بها وبتكسبهم على المستوى المحلي وعلى المستوى الدولي».
