استجاب الرئيس المصري، عبد الفتاح السيسي، بشكل فوري لطلبات سيدتين، عبر برنامج «من مصر» الذي يقدمه الإعلامي عمرو خليل، على قناة «سي بي سي».
المواطنة المصرية جيهان منصور، وهي سيدة تعمل في ورشة تصليح الكاوتش ناشدت بمساعدتها عبر اتصال هاتفي لرعاية أسرتها، طالبة التحدث مع الرئيس السيسي، ليستجيب لها فوراً قائلاً عبر اتصال هاتفي عبر الهواء مباشرة: «الست عاوزة تكلمني وإحنا عنينا ليها.. أنا بشكركِ على كل اللي إنت عملتيه».. لترد السيدة بالقول: «أنا اللي بشكرك..إنت معيشنا في أمن وأمان، بس أنا عاوزة مشروع عشان أرتاح»، ليقول لها مجيباً: «على عيني حاضر».
وأضاف السيسي: «عاوز أقولك على حاجة.. مش عاوزك تشيلي الهم.. وبشكرك على اللي ربيتيهم واللي جوزتيهم.. أجرك كبير أوي عند ربنا، وعشان كدة أي حاجة تطلبيها ربنا يستجيب.. كان صعب عليا أوي أسمع إنك عاوزة تكلميني ومدخلش أرد عليكي».
وفي موقف إنساني آخر استجاب الرئيس السيسي، لطلب سيدة مصرية أخرى من ذوي الاحتياجات الخاصة تدعى محروسة (42 عاماً)، تعمل على تروسيكل، حيث طلبت أن تسمع صوته وتسلم عليه، ليجيب السيسي هاتفياً: «ما هو مش ممكن أبدا أقول لأ للست محروسة.. أو بنتي اللي تقول أنا نفسي أسلم عليه.. ده أنا اللي يشرفني إني أكلمك».
وتابع السيسي خلال مداخلته الهاتفية: «أهنيكي وأقول لك يا بنتي ربنا يجبر خطرك ويعينك، احنا متابعينك لوفائك، وربنا يطرح البركة في جهدك، ويطرح البركة في أولادك، اسمحيلي إن كل اللي أنت بتتمنيه كبنت، ليا إني أوقف جنبك وأقولك، والله الست المصرية دايما مثل عالي، وأرقى نموذج محترم، بتشرف بيكي وبجهدك».
وأكمل السيسي: «أنا تحت أمرك، ادعيلي، وربنا يخلي ولادك أحمد ونورهان، ربنا يخليهملك وتفرحي بيهم، ويبارك فيكي..انتي كمان أوعي تحرمينا من دعواتك الطيبة، يا رب يقبل منك ويباركلك.. أنا سعيد إني بهنيكي إنك نموذج جميل لكل ست مصرية، واسمحيلي هنعمل كل شيء، ربنا يعوض عليكي».
https://twitter.com/cbcsofra/status/1505699874930536448